Baguio City- Agserbi a kangrunaan a bisita ni Chinese Ambassador to the Philippines a ni Jing Quan iti kangrunaan nga aktibidad iti maika-28 nga Spring Festival, karaman ti grand colorful parade ken Dinner Awards Night inton Miyerkules, Pebrero 18, 2026.
Sigun kenni Peter L. Ng, chairman iti Baguio Filipino-Chinese Chamber of Commerce and Industry, ti tinnawen a panangrambak ket bunga iti natibker a panagtinnulong iti nagbaetan iti siudad ken iti Filipino-Chinese community iti uneg iti 29 a tawen, a mangitantandudo iti panaggayyem, kinatalna ken panagsinnukat ti kultura.
Guyguyguyen met ni Ng dagiti umili ken turista a makikaykaysa iti selebrasyon ken riknaen ti bunga iti nasayaat a relasion iti dua a komunidad. Dinakamatna a ti panagtipon dagiti kultura iti piesta ket mangitandudo iti panagkaykaysa, kappia, ken panagdur-as iti Baguio.
Pinadayawanna met ti papel iti media ken social media iti balligi iti piesta iti panaglabas ti panawen.
Ti selebrasyon iti Spring Festival ket na-institutionalize iti siyudad iti nagbaetan iti Ordinance No. 018, series of 1999, kas simbolo iti natibker a pannakitinnulong iti Filipino-Chinese community.
