Inawagan ti Chinese Embassy nga ‘squid tactics’ ti nagbalin nga statement ni Defense Secretary Gilbert Teodoro Jr. kalpasan nga inakusaran ti defense secretary ti nasao nga embahada nga agserserbi daytoy kas public relations firm para iti Chinese businessman a ni Tony Yang, a maitudtudo kas makinkukua iti Sanjia Steel Corp. nga in-raid dagiti otoridad idiay Misamis Oriental.
Sigun kenni Chinese Embassy spokesperson Ji Lingpeng, imbes a sungbatan ni Teodoro dagiti damag a maibatbato kenkuana, nangiruwar ti defense secretary iti ‘baseless’ ken sensational allegations kontra iti embahada.
Impetteng metlaeng ti embahada a rumbeng a raemen ni Teodoro ti rule of law ken desisyon ti Department of Justice a mangibasura iti kaso kontra kadagiti Chinese worker ti Sanja Steel Corporation idiay Misamis Oriental.
Nupay kasta, impetteng met ni Teodoro a kasla agbalbalin nga abogado ti nasao nga embahada kenni Yang.
Nagramot ti panagsisinukat iti argumento ti Chinese Embassy ken Defense chief seknan iti kaso dagiti chinese national a naarestar iti maysa a manufacturing plant idiay Misamis Oriental.
Kas sungbat, kinarit ti Chinese Embassy ni Teodoro a mangiruwar iti ebidensya tapno suportaran dagiti alegasyon dagitoy. //kcs//