Nangipatulod ti Philippine Coast Guard (PCG) iti aircraft a mangmonitor iti nasaripatpatan a Chinese research vessel iti taaw nga asideg idiay Sta. Ana, Cagayan.
Sigun iti Philippine Coast Guard, nangisayangkat ti Chinese ship a Xiang Yang Hong 05 iti substantial marine scientific research iti las-ud iti 22 nga aldaw.
Innayon ti nasao nga ahensia a ti Xiang Yang Hong 05 ket maysa a research vessel a na-convert manipud iti cargo ship ken naideploy kadagiti sensitive maritime zones tapno suportaran ti operasion ti People’s Liberation Army Navy (PLAN).
Nangipaulog ti PCG aircraft iti karit iti barko ti China ngem saanda a simmungbat.
Iti baet dayta, inkari ti Coast Guard nga agtalinaedda a naikumit iti panangmonitor ken panangsalaknib iti maritime jurisdiction ti pagilian.
Impasigurado da pay ti kinatalged dagiti taaw kontra iti barko dagiti ganggannaet nga unauthorized ken mangisaysayangkat iti “illegal maritime activities.”
