BAGUIO CITY – Agpalpalagip ti City Health Services Office (CHSO) iti publiko nangruna ita a mapaspasaran a panagtudo a protektaran ti bagi kontra iti Leptospirosis.
Sigun kenni City health officer Dr. Celia Flor Brillantes, agarup 14 a kaso ti nailista iti siudad.
Nababa no idilig iti nasurol 20 a nailista iti kapada a quarter idi napalabas a tawen.
Iti baet a bimmaba ti bilang dagiti insidente, kikiddawen latta ti opisial nga agtalinaed nga alerto, kasaruno ti panagnangto ti nasao a sakit iti pagilian.
Karangrunaan a sintomas ti Leptospirosis ti panagsakit dagiti muscles, panaglabbaga ti mata, pannakaulaw, panagbakwar, panagsakit ti tiyan, skin rash ken dadduma pay.
Para iti nakaru a sinyales ken sintomas, maubserbaran ti Yellow skin, Kidney failure, basiit laeng nga isbo, panagsakit ti barukong, ken dadduma pay.
Ti leptospirisos ket maysa nga impeksyon a maala manipud iti infected water babaen kadagiti otot ken daduma pay.
Kabayatanna, maguyguyuguy ti publiko nga agpataming a dagus iti ospital apaman a makarikna ti inyaman a sintomas.//Bombo Noveh Organo