Baguio City- Nagpalagip manen ti City General Services Office kadagiti residente iti siudad ti Baguio a saanda nga iruar ti basura kadagiti naituding a pagkolektaran gapu iti manamnama a napigsa a panagbayakabak ti tudo.
Mabalin laeng nga iruar daytoy iti panawen a nasayaat ti paniempo.
Sigun kenni Eugene D. Buyucan,City General Services Officer, posible gamin a maiwara ken maiyanod dagiti basura ken mabalin a mangitunda daytoy iti pannakapullat kadagiti kanal.
Nakipagkoordinar metten daytoy kadagiti dadduma pay nga opisial tapno mapagsaritaan ti panagbaliw ti schedule iti panagkolektar ti basura gapu paylaeng ti posible a napigsa a tudo.
Kabayatanna, inyunay-unay ni Buyucan iti publiko ti panagcompost kadagiti nabubulok a basura iti bukodda a babbalay tapno makatulong dagitoy ken makessayan iti makolektar a basura.
