Opisyal nga inadaptar ti provincial government ti Kalinga ni Office of Civil Defense Undersecretary Harold N. Cabrero kas “adopted son” daytoy ita nga aldaw.
Napasamak ti opisyal a programa daytoy kabayatan ti panangidaulo ti Kalinga iti Cordillera Resilience Caravan 2026 a naangay idiay Tabuk City.
Naipaay kenni Cabreros ti honorary name nga “Annayu”, maysa a dadaulo iti Kalinga epic nga “Ullalim”.
Sigun iti lokal a gobyerno ti Tabuk City, Kaling, ti nagan nga ‘Annayu’ ket mangipasimudaag ti maysa nga indibidual a mangsupsuporta iti komunidadna iti tiempo ti rigat.
Kas maysa nga ‘adopted son’ ti nasao a probinsiya, maipaay kenni Cabreros dagiti prebilihyo kas paset iti nasao a probinsiya pakairamanan ti proteksyon iti sidung ti “Bodong ” Justice System.
Naipaay kenni Cabreros ti nasao a pammabigbig gapu iti kontribusyon na iti panangparegta iti emergency response systems ken panangsuporta na kadagiti komunidad nangnangruna iti tiempo ti bagyo ken krisis. //bombokcs