Posible a boluntaryo nga isuko ti pagilian a Pilipinas dagiti co-perpetrators iti kaso a crimes against humanity ni sigud a president Rodrigo Duterte iti kanito a mapaneknekan a nakabasol dagitoy.
Paset daytoy ti international commitment ti pagilian a Pilipinas.
Iti interview ti Bombo Radyo kenni Atty. Edgar Avila, legal luminary ken sigud a Dean ti College of Law iti Saint Luis University (SLU), kinunana nga adda ti karbengan ti International Criminal Court (ICC) nga usigen ti maatap a crimes against humanity a kaso ni sigud a president Duterte.
Inlawlawagna a napasamak ti maatap a krimen idi miembro paylaeng ti pagilian iti ICC.
Gapu iti dayta, adda ti karbengan ti ICC a mangusig iti nasao a kaso.
Kabayatanna, mabalin nga agkedked ti pagilian a makikoordinar iti ICC ngem nakadipende ti desisyon ni President Ferdinand Marcos Jr.
Inlawlawag ni Atty. Avila a balligi a naiturong ni sigud a President Duterte sadiay The Hague, Netherlands gaputa, nakikoordinar ti pagilian iti ICC babaen iti pammilin ti INTERPOL.
Naaramid ti koordinasyon kas panagraem ti administrasyon iti pammilin ti INTERPOL.//mp4
