LA TRINIDAD, BENGUET – Agtultuloy ti programa a College Education Behind Bars iti Benguet State University nu sadino, pito (7) a Persons Deprived of Liberty ti naka-enrol iti dua a programa ti nasao nga unibersidad.
Sigun kenni Janet Pablo, Vice President for Academic Affairs ti Benguet State University, naka-enrol itan dagiti balud iti maika-dua a semestre iti kurso a Bachelor of Science in Tourism Management ken Bachelor of Public Administration.
Maipalagip a nangrugi ti College Education Behind Bars idi napalabas a tawen babaen iti katulagan a pinirmaan ti Benguet State University ken ti Bureau of Jail Management and Penology – Cordillera Administrative Region (BJMP-CAR).
Ti Benguet State University ti maysa kadagiti tallo nga unibersidad iti rehiyon Cordillera a mangidiadiaya iti nasao a programa para kadagiti balud malaksid iti Kalinga State University ken ti Mountain Province State Polytechnic College.
Ti College Education Behind bars ket maitunos iti Sustainable Development Goal (SDG) #4 a mangipasigurado iti inclusive ken patas a kalidad ti edukasion.
Panggep metlaeng daytoy nga itandudo dagiti nagduduma nga oportunidad para kadagiti nagduduma a grupo dagiti indibidwal.
Home Local News College Education Behind Bars, agtultuloy a maipatpatungpal iti Benguet State University; 7...
College Education Behind Bars, agtultuloy a maipatpatungpal iti Benguet State University; 7 a balud, nakaenrol itan iti 2nd Sem
--Ads--
