Awan ti survivor iti napasamak a collision ti American Airlines regional jet iti U.S. Army Black Hawk helicopter, asideg iti Reagan Airport sadiay Washington.
Daytoy ket sigun kenni US President Donald Trump.
Iti agtultuloy nga operasyon dagiti otoridad, narekober ti dua pulo ket walo a bagi iti Potomac River.
Immunam met nga impakaamo ti U.S. Federal Aviation Administration a paturong ti regional jet iti airport idi naibangga daytoy iti Black Hawk helicopter.
Ti regional jet ket nagtaud manipud Wichita, Kansas ken addaan daytoy iti agarup innem a pulo a pasahero a pakairamanan da US ken Russian figure skaters Evgenia Shishkova and Vadim Naumov bayat a ti U.S. Army Black Hawk helicopter ket nakaluganan iti tallo a soldado.
Iti agdama, agtultuloy ti search operation dagiti otoridad bayat a naipasardeng dagiti amin a takeoffs ken landings iti Reagan Airport.
