Impakaamo ni Commission on Elections chairman George Garcia a manarimaan ti panagsagana dagitoy para iti kaunaan a parliamentary elections sadiay Bangsamoro Autonomous Region in Muslim Mindanao (BARMM).
Nupay kasta, kinunana a saan a dagitoy ti agdesisyon no matuloy ti eleksyon iti nasao a rehiyon inton Oktubre a 13, 2025.
Maibasar iti Commission on Elections Resolution No. 11149, ti election period sadiay Bangsamoro Autonomous Region in Muslim Mindanao (BARMM) ket inton Agosto 14 agingga Oktubre 28, 2025 no sadino maimplementar met laeng ti gun ban.
Ti campagn period ket mangrugi inton Agosto 28 agingga Oktubre 11, 2025.
Maiparit met ti panagkampanya inton Oktubre 12 agingga iti aldaw ti eleksyon.
Kalpasan ti eleksyon, maipaayan dagiti kandidato a mangisubmitir iti Statement of Contributions and Expenditures (SOCE) dagitoy agingga Nobyembre 12, 2025.
Maipalagip a pinirmaan ni President Ferdinand Marcos Jr. ti panakaiyalis ti panakaipatungpal ti eleksyon manipud Mayo iti bulan ti Oktubre.
