Pagsagsaganaan ti Commission on Elections ti Barangay ken Sangguniang Kabataan elections a mapasamak inton Disyembre iti agdama a tawen.
Iti panakiuman ti Bombo Radyo kenni Atty. Julius Torres, Regional Director iti Commission on Elections Cordillera, kinunana a kalpasan ti 2025 National ken local elections ket sumaruno ti Barangay ken Sangguniang Kabataan elections.
Daytoy ket iti laksid dagiti maisingsingasing a panakaitantan ti Barangay ken Sangguniang Kabataan elections gapu iti gandat a mangnayun iti serbisyo dagiti barangay officials iti uppat a tawen wenno lima a tawen.
Ngem, kinuna ni Atty. Torres a nairuar metten ti calendar of activities para iti eleksyon inton Disyembre rason a saanda a panpanunuten a maitantan ti nasao nga eleksyon
Gapu iti dayta ket kasapulan laeng nga iyurnosda ti reportsda ita a bulan ti Mayo.
Naituding a ti filing of certificate of candidacy ket inton Oktubre 1-7, 2025; election period ket inton Oktubre 27-31, 2025; campaign period ket inton Nobyembre 20-29, 2025 ken ti election day ken inton Disyembre a uno iti agdama a tawen.
