Namnamaen ti Commission on Elections a “rampant” wenno nasaknap ti vote-buying inton Eleksyon 2025.
Sigun kenni Comelec chairman George Garcia, agbalin a personal ti aramid gaputa ammon dagiti vote-buyers a mamonitor dagiti payment platforms para kadagiti aktibidad a mainaig iti eleksion.
Maibasar iti OCTA research, kaaduan a Pilipino ti saan nga aglako iti butosda, ngem masansan a gundawayan dagiti politiko dagiti napanglaw a botante.
Sigun met iti political analyst a ni Ranjit Rye, adu a kita ti panaggatang iti botos, kuarta man wenno kita.
Para kenkuana, gagangayan a maaramid ti vote-buying kadagiti maudi nga aldaw sakbay ti eleksion.
Kabayatanna, kinuna ti Commission on Elections (Comelec) a ti ti vote buying ket mangdadael iti integridad ti eleksion.
Tapno malabanan daytoy, napirmaan ti memorandum of agreement iti nagbaetan ti Comelec ken ti National Bureau of Investigation (NBI) tapno mabantayan saan laeng a ti panaggatang iti botos no di ket dadduma pay a panaglabsing kadagiti pagannurotan ti eleksion.
