Ad-adalen ti Commission on Elections (Comelec) a mangipaulog ti nabaliwan a resolusion maipapan iti pannakairehistro dagiti indibidual ken organisasion a mangisaysayangkat iti survey a mainaig iti eleksion.
Kasaruno ti diskusion ti Commission on Election kadagiti nagduduma a survey firms wenno organisasion a mangipatpatungpal ti survey idiay Manila, sigun kenni Commissioner Rey Bulay, commissioner-in-charge ti Task Force on Regulation and Enforcement of Survey Practices for Election Credibility and Transparency (Respect).
Naaramid itay laeng nabiit ti Task Force Respect tapno maiyemplementar ti Comelec Resolution No. 1117, a mangimanmandato ti panagrehistro dagiti polling firms a mangisaysayangkat ti election-related surveys iti tengga ti panawen ti eleksion.
Karaman kadagiti nakipaset iti panagsarita tapno mabaliwan ti resolusion ket ti Social Weather Station (SWS), Pulse Asia, OCTA Research, ken Publicus Asia.
