Nangipaulog ti Commission on Elections (Comelec) ti Show Cause Order (SCO) kontra kenni senatorial candidate Camille Villar gapu iti video a naipablaak iti social media a mapapati a vote-buying.
Sigun kenni Comelec executive director Atty. Teopisto Elnas Jr., dadaulo ti Committee on Kontra Bigay (CKB), nakaawatda ti reklamo kontra kenni Villar idi Lunes, Abril baente uno manipod iti saanen a nainagan a nagreklamo.
Kinuna ni Elnas, adda ti video link ti maysa a programa idiay Cavite a naipablaak iti social media idi Pebrero a dose a naipatulod kadakuada.
Iti video, maimatang ni Villar a nakatakder iti stage kaduana dagiti lokal a kandidato idiay Cavite bayat nga adda ti maysa a babai a mapapati a nangabak iti programa a nakaawat ti kuarta, a patien ti Comelec a cash prize ken maikonsidera kas maysa a kita ti vote-buying.
Kinuna ni Elnas a maikkan ni Villar iti tallo nga aldaw kalpasan a maawat ti pammilin tapno mailawlawag ti dasigna.
Dinakamat ni Elnas a ni Villar ti kaunaan a kandidato iti nasional a naipaayan ti Show Cause Order babaen ti nasao a committe tapno mabantayan dagiti aktibidad a vote-buying.
Kabayatanna, sigun kenni Villar, saanna pay a naawat ti Show Cause Order manipod iti nasao nga ahensia.
Namnamaen ni Villar a madalusan ti naganna iti aniaman a saan a nasayaat nga inaramidna
