Inawagan ti Commission on Elections (Comelec) dagiti kandidato iti masungad nga eleksion a mangikkat kadagiti illegal campaign materials wenno sanguen ti disqualification.
Inruar ni Comelec Chairman George Garcia ti statement kalpasan ti panangisayangkat ti poll body iti “Oplan Baklas” iti panangrugi ti 45-day local campaign period idi Biernes.
Inlawlawag ti nasao nga opisial a ti Fair Elections Act ket mangimandato iti Comelec a mangipatulod ti surat kadagiti kandidato a mangibilin nga ikkatenda dagiti illegal campaign materials dagitoy.
Sigun kenni Garcia, sapasap a natalna ti panangrugi ti local campaign period.
Immunan nga indagada ni Garcia nga agtulnogda iti pagannurutan nga inkeddeng ti Commission on Elections para iti kinatalged ken naballigi a panangisayangkat iti umadanon a midterm elections.