Nangbukel ti Commission on Elections (Comelec) iti task force tapo mangsukimat iti nakaskasdaaw a panagngato ti bilang dagiti rehistrado a otante iti sumagmamano a lokalidad.
Daytoy ket nadakamat bayat ti pannakaituloy ti Senate plenary deliberations iti naisingasing a 2025 national budget kalpasan nga indatag da Senador Nancy Binay ken Senate President Pro Tempore Jinggoy Estrada ti pakaseknanda iti panagadu dagiti rehistrado a botante iti Makati City ken San Juan City.
Bayat ti deliberasion ti singasing a pondo ti nasao nga ahensia, dinamag ni Senador Binay ti panagngato ti 56,586—buklen ti 18,555 a baro a registrants ken 38,031 a transferees—iti pakabuklan a bilang dagiti rehistrado a botante iti Makati para iti 2025 national and local elections.
Immanamong met ni Senador Imee Marcos a nakaskasdaaw ti panagngato ti bilang dagiti rehistrado a botante, a nagsao iti biang ti Commission on Election kas budget sponsor.
Nupay kasta, inlawlawag ni Senador Imee a saan a mapalubosan ti Comelec a mangikkat dagiti “transferred voters” iti listaan, ken kasapulan nga adda ti pammilin ti korte a mangaramid iti daytoy.
