BAGUIO CITY – Naipatungpal ti community outreach program ti Bureau of Jail Management and Penology-Cordillera sadiay Malcolm Square, Baguio City idi laeng kalman.
Iti pannakiuman ti Bombo Radyo kenni Chief Inspector Jaime Batuyug Jr., cheif operation iti of Jail Management and Penology-Cordillera, kinunana a daytoy nga aktibidad ti maika-14th community relation service month ken selebrasyon metlaeng daytoy ti nasao nga opisina iti tunggal bulan ti Hunyo.
Dagiti serbisyo nga impaayda iti publiko ket dagiti medical services kas iti Blood pressure monitoring,blood sugar monitoring, HIV testing, legal services ken gift giving.
Malaksid iti dayta, nagilako metlaeng dagitoy kadagiti produkto dagiti persons deprived of liberty manipud iti male ken female dorm iti Baguio City jail kas kadagiti bayong ken dadduma pay.
Sigun kenkuana, dumanon iti P30,000 agingga P40,000 ti mapaglaklakuan dagitoy manipud iti panagilakoda kadagiti nasao a produkto no sadino dagitoy ket maited metlaeng kadagiti persons deprived of liberty ken iti ahensya tapno adda manen ti maigatang kadagiti materyales a maaramat.//Bombo Noveh Organo
