Pagsagsaganaan ti Baguio City Jails ti Community Relations Month Celebration ti Bureau of Jail Management and Penology ita a bulan ti Hunyo.
Karaman kadagiti aktibidad a maipatungpal ti medical, dental, ken bloodlettimg services, kasta met ti HIV testing.
Gapu iti dayta, agkidkiddaw dagitoy ti donasyon a medisina ken daduma pay a kaskenan a suplay para iti nasao nga aktibidad.
Malaksid iti dayta, karaman metlaeng a mapagsagsaganaan dagiti special activities para kadagiti ubbing ken agtutubo kas iti storytelling sessions, parlor games, ken daduma pay.
Manamnama met a maitandudo ti produkto dagiti Persons Deprived of Liberty ti Male ken Female ti Baguio City Jail.
Kagiddan dayta, maiparekep ti Session Road tunggal Dominggo mangrugi inton Hunyo a Nueve para kadagiti nasao nga aktibidad.
Kabayatanna, maal-allukoy met ti publiko a makipaset kadagiti insagana nga aktibidad dagiti kameng ti Baguio City Jail Male ken Female dormitory.//Bombo Jez Lapizar
