Isaksakad ni Senate President Win Gatchalian ti pannakaipasa ti Comprehensive School Safety Act, wenno Senate Bill No. 2426, kalpasan dagiti insidente ti kinaranggas kadagiti pagadalan, pakairamanan ti insidente ti pammaltog iti Banga National High School sadiay South Cotabato.
Panggep ti singasing a mangbukel iti National Comprehensive School Safety Framework nga agserbi a giya para kadagiti pagadalan tapno masolusyonan, ken malapdan ti nagduduma a pangta ken insidente a mabalin a mangapektar iti kinatalged dagiti estudyante ken personnel.
Iti sidong ti nasao a gakat, idauluan ti Department of Education (DepEd), agraman dagiti dadduma nga ahensiya ti gobierno ken local government units ti pannakaparang-ay, pannakaipatungpal, ken regular a pannakapabaro ti framework.
Paset ti singasing ti pannakabukel ti School Safety Plan a masapul nga isagana ken tinawen nga i-update ti tunggal pagadalan iti pagilian.