Impeksa ni House basic education ken culture panel chairperson Roman Romulo ti pammatina a ti comprehensive sexuality education (CSE) ket saan a tulbek tapno marisut ti panangngato ti bilang dagiti ubbing nga ina iti Pilipinas.
Iti baet a binigbigna ti pakaseknan ti nasapa a panagsikog dagiti ubbing, kinuwestunar ni Romula iti Department of Education’s (DepEd) ti panangimplementar ti comprehensive sexuality education (CSE) iti sidong ti “international agreements.”
Maibasar gamin iti datos ti Philippine Statistics Authority (PSA), maiparparangarang a ti bilang dagiti ina nga agtawen ti sangapulo agingga sangapulo ket uppat ket 2,113 idi tawen 2020, agingga a 2,320 idi tawen 2021.
Ti bilang ket ngimmato iti 3,135 idi tawen 2022, ken ngimmato pay iti 3,343 idi tawen 2023.
Itay laeng nabiit, sinuportaran ni Romula ti panggep ti Department of Education a ma-review ti comprehensive sexuality education (CSE) nga agdama a linaon ti basic education curriculum iti baet a manarimaan ti debate seknan iti kontrobersial a gakat.
Kinuna met ni Senate Deputy Minority Leader Risa Hontiveros a nagsurat iti Senate Bill 1979 nga inikkatna ti probision iti naisingasing a wagas iti comprehensive sexuality education (CSE).
