Inlawlawag ni House trial spokesperson ken impeachment adviser Robert “Ace” Barbers a saan a mabalin a maaramat ti confidential funds a panggatang iti grocery, tugawan, lamisaan ken dadduma pay a saan a saklaw ti naituding a pakaaramatan ti pondo.
Maisalungasing daytoy iti report ti Office of the Vice President (OVP) a naaramat dagiti dadduma a confidential funds iti pannakagatang ti agas,tugawan, lamisaan, printers, computers ken dadduma pay.
Sigun kenni Barbers, ti pannakagastos ti confidential funds ken rumbeng a konektado iti intelligence ken national security.
Nakalanad iti Joint Circular No. 2015-01 a maaramat laeng daytoy iti pannakamintiner ti safe houses, panagrenta ti lugan para iti operasyon, panagbayad iti kualipikado a reward kadagiti informers ken dadduma pay nga adda ti pakainaiganna iti intelligence ken national security ti pagilian.
Inyunay-unay ni Barbers a ti confidential funds ket saan nga “unrestricted money” a mabalin panggatang iti furniture, hardware supplies wenno groceries.
