BAGUIO CITY – Maisayangkat ti congressional forum para iti maisaksakad nga otonomiya ti rehiyon Cordillera inton January 17 sadiay Batasang Pambansa Complex, Quezon City.
Sigun kenni Cordillera Regional Development Council Vice-Chairman Milagros Rimando, ti congressional forum ket idauluan da Presidential Adviser on Peace Process Secretary Jesus Dureza, House Speaker Pantaleon Alvarez ken dagiti dadduma pay a kongresista.
Kinunana a makipaset metlaeng iti daytoy dagiti opisyal iti rehion nga idauluan dagiti gobernador.
Sigun pay kenkuana, kangrunaan a matalantan iti forum ti kinapateg ti otonomia ken ti agbalin a financial capacity ti Cordillera apaman nga agbalin daytoy nga autonomous region.
Kalkalikaguman pay ti Cordillera Regional Development Council a malpas ti pannakaibasa ti gakat para iti otonomiya sadiay Kongreso ita a tawen tapno maaprobran daytoy iti kabiitan a panawen.
