BAGUIO CITY – Maangay ti Congressional Forum mainaig iti otonomiya ken federalismo ita nga aldaw sadiay Kamara.
Sigun iti National Economic and Development Authority (NEDA) – Cordillera, panggep ti forum a mailawlawag kadagiti kongresista ti tarigagay ti Cordillera nga otonomiya ken maiyunay-unay pay kadagiti kongresista ti pagkasapulan para iti otonomiya.
kabinnadang ti NEDA ken Regional Development Council (RDC) ti Institute of Autonomy and Governance para iti nasao nga addang.
kabayatan ti forum, iparang ken ipalawag dagiti napili nga autonomy advocates ti singasing nga Autonomous Region of the Cordillera, dagiti singasing iti federalismo, ti financial viability ti Cordillera kas autonomous region ken kas maysa a federal state.
manamnama a dar-ayan dagiti amin a miembro ti Kamara, dagiti miembro ti Executive Committee ti RDC, dagiti gobernador ti Cordillera ken sumagmamano a panglakayen ti rehion.
mangnamnama pay dagitoy a babaen iti nasao nga aktibidad ket nalaklaka ti panangaprobar dagiti kongresista iti maisaksakad a gakat iti kanito a maituloy ti panakaadal daytoy sadiay Kamara.
