BAGUIO CITY – Agtaltalinaed a parikut dagiti local governemt units (LGU) ti nakapsot a connectivity iti pagilian a Pilipinas.
Sigun kenni David Almirol Jr., Undersecretary for e-Government iti Department of Information and Communications Technology (DICT), narigat ti connectivity dagiti lokal a gobyerno partikular kadagiti nasusulinek a lugar.
Gapu iti dayta, tumultulong ti nasao nga departamento babaen iti panangipaayda ti libre a WiFi tapno maaramat ken maipatungpal ti electronic-Local Government Unit System (e-LGU) iti intero a pagilian.
Malaksid iti dayta, kinuna ni Almirol a maysa kadagiti karit ti Department of Information and Communications Technology iti panakaipatungpal ti e-LGU system ket ti panagturong kadagiti nasusulinek a lugar.
Gapu iti dayta, ipatpatungpalda ti Caravan ken Unified Training tapno maurnong amin dagiti local chief executives iti maymaysa a lugar.
Panggep ti ahensiya nga ipatungpal ti e-LGU system iti agarup 1,600 a Local Government Units iti intero a pagilian para iti agdama nga administrasyon.
Maipalagip a naisayangkat ti Island Wide e-LGU Caravan iti Luzon Cluster a panggepna nga allukoyen dagiti local government units nga ag-transition kadagiti digitized systems ken procedures para iti business ken non-business transactions.//Bombo Jez Lapizar
