--Ads--
BAGUIO CITY – Agpapaimbagen ti maysa a construction worker nga aksidente a nakuryente kabayatan ti panagtrabahona iti maysa nga educational center sadiay Otek Street, Baguio City idi kalman.
Nabigbig daytoy a ni Juhari Redwal Lumayo, 24-anyos, baro ken residente ti Rosario, La Union.
Maibasar iti imbestigasyon, nasagid ti landok nga iggem ti biktima ti high voltage a kable ti kuryente.
Gapu iti daytoy, naipurwak ti biktima iti agdan ti nasao a pasdek agingga a natnag iti bubong ti maysa a sari-sari store.
Dagus met a nagresponde dagiti maskenan ken inturongda ti biktima iti ospital.
Naamuan a nagsagrap ni Lumayo iti dunor iti nagduduma a paset ti bagi daytoy.
