--Ads--
BAGUIO CITY – Nadangran ti maysa a contruction worker kalpasan a nabaliktad ti imanmaneho daytoy a truck sadiay Alfonso Tabora, siudad ti Baguio idi kalman.
Nabigbig daytoy a ni Priton Cayusan, 41-anyos, tubo ti Mankayan, Benguet ken residente ti Pinsao Pilot, Baguio City.
Maibasar iti report, naglaon ti nasao a truck iti tiles ken dumaldalyasat iti nasao a lugar paturong sadiay Ambiong, La Trinidad, Benguet.
Gapu iti kinadagsen ti karga ti truck ket narigatan wenno saan a maka-abante ti lugan agingga a nagsikig ken bimmaliktad iti kalsada.
Gapu iti daytoy, naipit ti takyag ti driver a dagus met a naiturong iti pagagasan para iti panakataming daytoy.
