--Ads--
BAGUIO CITY – Agpapaimbagen iti pagagasan ti maysa a construction worker a nakuryente iti maipaspasdek a Senate President Cottage sadiay Felipe Street, Barangay Lualhati, Baguio City.
Nabigbig daytoy a ni Gerald Costales, addaan iti legal nga edad, tubo ti Pangasinan ken stay-in iti nasao a construction site.
Maibasar iti report, napasamak ti aksidente kabayatan ti panagkali ti biktima ken ti kaduana a backhoe operator iti pundasion ti pasdek.
Pinadas ti biktima nga itali ken ingato ti wire ti kuryente tapno saan daytoy a masagid ti backhoe ngem nagresulta daytoy iti pannakakuryente-na.
Dagus met a naitaray ti biktima iti pagagasan.
