Nakalasat ni Bangsamoro Autonomous Region in Muslim Mindanao (BARMM) Chief Minister Abdulraof Macacua kalpasan a tinambanganda ti convoy daytoy iti paset ti Barangay Bitu, Datu Odin Sinsuat, Maguindanao del Norte pasado alas kuwatro ti malem ita nga aldaw.
Sigun iti inisyal a report ti otoridad, pinaltugan dagiti saan pay laeng a nabigbig nga armado a suspek ti convoy ti Chief Minister bayat a daldalyasatenda ti nasao a lugar.
Iti baet dayta, kinumpirma met dagiti otoridad nga ada iti natalged ken nasayaat a kondisyon ni Macacua.
Agtultuloy met ti imbestigasyon dagiti kapulisan tapno mabigbig dagiti armado nga indibidual nga ada iti likod ti ambush, pakairamanan iti pudno a motibo dagitoy.
Iti agdama, napalikmutanen ti kapulisan ti nakapasamakan ti ambush bayat a maipatpatungpal metten ti hot pursuit operation.
Impeksa met dagiti kapulisan a saanda pay laeng a maibaga ita nu ada ti pakainaiganna iti politika wenno relihiyon nu apay a napasamak ti nasao nga ambush.//kcs//
