BAGUIO CITY–Pimmusay ti maysa a cook kalpasan a naaksidente ti imanmanehona a motorsiklo iti deppaar ti Kennon Road sadiay Camp, Tuba, Benguet idi rabii.
Nabigbig daytoy a ni Randy Leano Marzan, 27-anyos, tubo ken residente ti Camp 1, Tuba, Benguet.
Maibasar iti report, nagtaud ti biktima iti fiesta sadiay Rosario, La Union ken paawid kuma daytoy.
Nupay kasta, kabayatan ti panagdalyasatna iti kalsada sadiay Camp 1 ket napukawan daytoy ti kontrol a nangitunda tapnu madalaposna ti kongkreto a parapet sadiay.
Kinunana a gapu iti kinapigsa ti panakaidungpar ti motorsiklo ti biktima ket naibarsak daytoy ken gaputa awanan daytoy iti helmet ket nadangran ti ulona a nangitunda iti dagus nga ipupusay daytoy.
Naiturong metten ti bangkay ti biktima iti maysa a punerarya sadiay Rosario, La Union.
