Nakaurnong iti P175,000 dagiti local musician manipod iti Cordillera para kadagiti pamilia a naapektaran iti panagregaay iti daga iti siudad ti Baguio ken Benguet.
Naisayangkat ti dua nga aldaw a benefit concert ken donation drive idi Agosto 16 ken 17 iti Heartland Music Lounge and Resto Bar, a naipaaramat a libre ti venue.
Naipaay ti naurnong kadagiti residente iti Purok 2, Guisad Surong iti siudad ti Baguio ken Shilan, La Trinidad, Benguet.
Sigun kadagiti organizers, awan ti naikessay nga administrative wenno operational expenses iti donasion ken naiwarasen ti pakabuklan a P175,000 kadagiti benepisiario.