Cordillera PNP, napadayawan kalpasan nga indauluanda ti Performance Governance System ti PNP

BAGUIO CITY – Nagun-od ti Police Regional Office Cordillera (PROCOR) ti kangatuan a rating iti Performance Governance System (PGS) in Proficient Status kadagiti opisina ken units ti Philippine National Police.

Nagun-od ti PROCOR ti 96.86 percent a rating ken inabakda dagiti dadduma a regional offices ken commands ti pulisya.

Gapu iti daytoy, naawat ti PROCOR ti maysa trophy ti Gold Eagle Award, maysa a plaque ti PGS Proficiency Status ken Certificate of Conferment sadiay Camp Crame.

Kabayatanna, nagun-od met ti Police Regional Office 13 wenno CARAGA PNP ti maikadua a pwesto a nakaala ti rating a 96.67 ken maikatlo ti Police Regional Office 8 wenno Eastern Visayas a nakaala ti rating a 96.26.