BAGUIO CITY – Nakasangpeten sadiay Macau ti Team Lakay para iti panagsagana ni Igorot fighter Joshua Pacio para iti umadani a labanna inton Agosto singko, aldaw ti Sabado.
Sigun kenni head coach Mark Sangiao, nakasaganan ni pacio para iti umadani a labanna kontra iti Japanese Fighter a Hayato Suzuki.
Kinunana a kangrunaan a pinagsaganaan dagitoy ti wrestling ken ti ground game a paglaingan ti hapon a makasango ti 21-anyos a ni Pacio.
Mabigbigbig ni Suzuki iti kinalaing datoy iti striking ken iti grappling skills ken addaan ti rekord a 16 wins, no loss, 2 draw bayat nga addaan met ni Pacio iti rekord a 9 wins ken 1 loss.
Karaman pay iti fight card ti Igorot fighter a ni Eric Kelly a makasango ti japanese veteran mixed martial artist a ni Kotetsu Boku a nalaing metlaeng iti boxing ken grappling.
Addaan ni Boku iti rekord a 25 wins, 11 loss ken 2 draw bayat nga addaan ni Kelly iti rekord a 12 wins ken 3 loss.
