--Ads--
BAGUIO CITY – Nadismaya ni Baguio Mixed Martial Arts Player Stephen Loman gapu iti panakakanselar ti laban daytoy kontra kenni PXC Bantamweight Champion Trevin Jones idi sabado sadiay Guam.
Sigun iti 21 yr Pinoy MMA fighter, nasurok tallo a bulanna a pinagsaganaan ti nasao a laban isut gapuna a nadismaya daytoy iti panakakanselar ti nasao a laban.
Iti baet daytoy, patienna a saanna pay nga oras para iti nasao a laban ken namnamaenna nga agsango latta dagitoy iti octagon.
Immunan a nakanselar ti laban dagitoy gaputa saan a nadanun ni Jones ti umno a timbang a 61 Kg.
Nagkiddaw met iti pammakawan ni Jones kenni Loman gapu iti panakakanselar ti laban dagitoy.
