BAGUIO CITY – Mangnamnama ni Cordilleran wushu fighter Divine Wally a makipaset daytoy iti maangay nga ASEAN Games sadiay Indondesia tapnu ibagina ti Pilipinas iti 48 Kilograms Category iti Sanda Championship.
Gapu iti daytoy, nainget ita ti panag-ensayona kas panagsaganana iti umadanin a panakibalubal daytoy.
Kinunana a marigatan daytoy iti 52 Kilograms Category nangruna ta naabak daytoy iti naudi a panakilabanna iti kapada a kategorya sadiay South Korea.
Mangnamnama met daytoy a mainayon ti 48 Kilograms Category Quadrillian Weight gaputa daytoy iti mangdomdominar iti nasao a weight class.
Idi napalabas a tawen ken nagkampeon daytoy iti ASEAN Sanda Cup sadiay China.
Ni Wally ti kaunaan a Pinay fighter a nakagun-od iti balitok a medalya iti pakasaritaan ti Word Wushu Championship.
