Sipapanakel nga irepresentar da Jayvee Lagman manipud La Trinidad, Benguet ken Jessie Bandiola manipud iti siudad ti Baguio ti pagilian iti umadanin a World Cosplay Summit a maangay idiay Nagoya, Japan inton Agosto 3 agingga 4 iti agdama a tawen.
Iti panakiuman ti Bombo Radyo ken da Lagman ken Bandiola, impeksada a dakkel nga oportunidad nga agbalin dagitoy a representative ti pagilian iti maysa kadagiti kadakkelan a cosplay competition iti sangalubongan.
Sigun kenni Bandiola, tawen 2013 idi sinumrek daytoy iti lubong ti panagcosplay bayat a tawen 2017 nga impadas met daytoy ni Lagman.
Iti panagbalinda a cosplayer, impeksada a ti kangrunaan ken kaimportantean nga aramiden ket ti panagresearch ken panagplano nu kasano ti agaramid iti custome.
Dagitoy met mismo ti agar-aramid kadagiti customeda nu sadino agbalbalin a karit nu mamingsan nu kasanoda a mabirukan dagiti materyales nga usarenda iti customeda.
Iti umadanin a kompetisyon dagitoy, makariknada iti excitement, nerbiyos kan naglalaok nga emosyon nu pay kasta babaen iti suporta a maaw-awatda ket maik-ikkanda iti kumpiyensa.
Impeksa dagiti dua a cosplayer a ti umadanin a Word Cosplay Summit ti maikonsiderada a pinakaseryoso ken ti narigatanda gapu ta nasken a maibaga a world class ti customeda.
Kabayatanna, saan a namnamaen da Lagman ken Bandiola a ti arapaapda nga agcosplay iti dakkel nga stage ket matungpal.//Bombo Mera Pacpacan
