Nangipila iti counter-affidavit ni Retired Police Major General Mao Aplasca, sigud nga acting Senate sergeant-at-arms ti Department of Justice (DOJ) mainaig iti kaso a direct assault nga impila ti PNP-CIDG gapu iti napasamak a pammaltog iti Senado idi Mayo 13.
Sigun iti DOJ, naipaayan ni Aplasca iti pawayway agingga Nobiembre 6 tapno mangisubmitir iti reply-affidavit.
Mabalin metlaeng a mangisubmitir ni Aplasca ken dua pay a respondent manipud iti Office of the Senate Sergeant-at-Arms (OSAA) iti rejoinder-affidavit.
Iti kanito nga awan ti maipila a reply-affidavit, maisubmitir ti kaso para iti resolusyon.
Maipalagip a nagpaputok ni Aplasca iti warning shots bayat a naka-lockdown ti Senado a nangintunda iti buteng ken riribuk kadagiti empleyado, media, ken dadduma pay a sibilian.
Idi Hulio, imbilin ti Ombudsman ti pannakaikkatna iti serbisio gapu iti grave misconduct ken gross neglect of duty mainaig iti nasao nga insidente.
