Kinuwestyonaran ti kampo ni Vice President Sara Duterte ti contradictory covered ken mapagduaduaan a bank transactions a napagsasaritaan iti impeachment trial idi Lunes, Oktobre 05.
Sigun iti pannakangiwat ti bise presidente a ni Atty. Paolo Panelo, naaddaan iti system error isu’t gapuna dimmakkel iti P6.7 billion ti covered ken mapagduaduaan a bank transactions ni VP Sara Duterte ken ti asawana a ni Atty. Manases Carpio.
Impetteng ni Panelo a rumbeng a saan nga imbinglay ti AMLC dagiti raw data agsipudta kasapulan paylaeng a mabirepikar.
Innayon ni Panelo a P6.7 billion ti rumrumuar a gatad iti impresentar ti House Justice Committee.
Nupay kasta, impettengna a manipud iti P6.7 billion, dumanon iti P2.2 billion ti ibagbaga ti Bank of the Philippine Islands (BPI) a kamali.
Inlawlawag met ti BPI a nagtungpal dagitoy iti required reporting ken regulatory engagements babaen kadagiti otoridad ken anyaman a kasapulan a dokumento para iti klaripikasyon ket ipaay dagitoy.
