--Ads--
BAGUIO CITY – Napunnon wenno fully occupied ita dagiti COVID-19 Isolation Units dagiti uppat a pribado nga ospital ditoy Baguio City.
Immunan nga inwaragawag ti SLU Hospital of the Sacred Heart ditoy Baguio City a napunnon ti bed capacity sadiay ken saanda pay nga umawat ken mangakomodar kadagiti pasyente ti COVID-19.
Simmaruno nga inwaragawag ti Baguio Medical Center, Notre Dame Hospital ken ti Pines City Doctor’s Hospital a nadanunda metten ti bukodda a COVID-19 Isolation Units ti full capacity.
Dinakamat pay dagitoy a sumagmamano kadagiti pasyente ti COVID-19 ket adda laeng iti emergency room wenno iti waiting list bayat nga agur-urayda nga adda ti mabakante iti pasilidad.
