BAGUIO CITY – Nailukaten ti Trade and Cultural Center sadiay Camp John Hay ditoy siudad ti Baguio kas COVID-19 screening facility.
Agserbi daytoy kadagiti turista a kasapulan a maipasidong iti triage iti kanito a makasangpetda ditoy siudad.
Sigun kenni Camp John Hay Development Corporation chairman/CEO Robert Sobrepeña, tumulong ti nasao a pasilidad iti panakakissay dagiti maasikaso iti Central Triage ti siudad.
Kinunana a dagiti akomodaren ti screening facility sadiay Camp John Hay ket maipasidong iti interview ken sadiay a maberipikar ti health declaration forms dagitoy.
Ipasiguradoda pay a natungpal ti turista ti amin a pre-registration requirements kas iti panakaisayangkat ti PCR testing ken rapid antigen test.
Innayonna a mabalinda a mangipaay ti assistance ken hotel-based service kadagiti sumangbay a turista ditoy siudad.
Tinagiragsak met daytoy ni Mayor Benjamin Magalong gaputa sigun kenkuana ket dakkel daytoy a tulong iti lokal a gobierno ita a panawen.janicejuanito
