BAGUIO CITY – Nairekord ti 40 a kabarbaro a kaso ti COVID-19 ditoy siudad ti Baguio idi kalman.
Nailista pay ti dua a kabarbaro a pimmusay bayat a 16 ti kabarbaro a naimbagan.
Pimmusay idi kalman ti maysa a lalaki nga agtawen iti 77 kalpasan ti tallo nga aldaw a confinement daytoy ken ti maysa pay a lalaki nga agtawen iti 80 a naideklara a dead on arrival iti ospital idi met laeng kalman.
Agpada dagiti nasao nga indibidual nga addaan iti sigud a parikot iti salun-at.
Dumanon itan iti 1,575 ti pakabuklan a kaso ti COVID-19 ditoy siudad ti Baguio.
Kabayatanna, maibasar iti report ti Department of Health-Cordillera, pakabuklan a 74 a kabarbaro a kaso ti COVID-19 ti nailista iti rehion idi kalman.
Dumanon itan iti 2,516 ti pakabuklan a kaso ti nasao a virus iti rehion Cordillera.
