BAGUIO CITY–Nailista ti maika-14 a kaso ti COVID-19 iti probinsiya ti Apayao ita nga aldaw.
Maibasar iti report, nagtaud ti pasyente iti munisipyo ti Sta Marcela no sadino daytoyen ti maikauppat a kaso a nailista ti ili.
Naamuan a maysa a Locally Stranded Individual ti nagpositibo a pasyente a nagtaud sadiay siudad ti Manila ken simmangpet sadiay Apayao idi Hulyo 13.
Awan ti napasaran nga aniaman a sintomas ti virus ti pasyente nga itan ket naka-quarantine iti maysa a pasilidad ti Sta Marcela.
Gapu idi daytoy, temporaryo a nailockdown dagiti nagbeddengan ti Sta, Marcela para iti panakaipatungpal ti contract tracing ken disinfection dagiti otoridad.
Kabayatana, nakarekober ti dua a pasyente ti COVID-19 sadiay Abra ken ti nabatbati a maysa a pasyente ti Tublay sadiay Benguet.
Iti kaudian a datos ti Department of Health-Cordillera, pakabuklananen a 168 ti kaso ti virus iti intero a rehion no sadino 47 dagiti adda iti pagagasan, 119 dagiti naimbaganen ken agtaltalinaed a pimmusay.
