BAGUIO CITY – Bimmaba ti crime rate ti Baguio City iti agdama a tawen.
Maibasar iti datus ti Baguio City Police Office, nakailistada ti crime volume a 584 idi Enero agingga Oktubre iti agdama a tawen nu sadino nababbaba nu idilig iti 1,113 a nailista idi tawen 2019.
Bimmaba met ti index crime iti 230 nu idilig iti 431 bayat a dumanon iti 358 ti non-index nu idilig iti 682 a kaso.
Kabayatanna, ngimmato iti 807 a traffic incidents ti nailista nu sadino nangatngato daytoy iti 787 idi 2019.
Iti sabali a bangir, nakailista ti opisina ti 118 nga apprehension iti Silent Night.
Nakatiliwda met ti 166 a drug personalities manipud iti 129 a drug operation.
Malaksid iti dayta, nakumpiskar ti 430.50 grams ti shabu, nasurok 57,384 grams ti marijuana ken 10 ecstasy tablet nga addaan ti standard drug price (SDP) a dumanon iti nasurok P9.5-Million.//Bombo Jez Lapizar
