BAGUIO CITY-Naispal ti maysa a criminology student manipud iti panaggandatna a mangkettel iti bukodna a biag iti maysa a rangtay sadiay Kalinga – Cagayan Rd, Tabuk, Kalinga idi kalman.
Maibasar iti report, nakaawat ti Bulanao Police Sub-Station iti tawag seknan iti babae a nakaidda iti baba ti Canao Bridge.
Magtinnulong met dagiti personnel ti Tabuk City Fire Station ken ni Dr. Nixon Bala-is ti Calanan Rural Health Unit iti panakaispal ti basao a babae.
Ti nasao a babae ket 20-anyos, awanan asawa, 4th year criminology student ti Kalinga College of Science and Technology ken resident ti Bulanao, Tabuk City, Kalinga.
Naamuan nga iti alas dose iti tengngat rabii idi kalman ket nagturong ti nasao nga estudyante iti Canao Bridge ken sadiay a limmagto paturong iti karayan iti baba ti rangtay.
Immuna met nga imbingay ti biktima nga addaan daytoy iti parikut nupay nagkedked a mangibaga no anya ti nasao a parikut.
