--Ads--
Naglusulos ni sigud a Cabinet Secretary Karlo Nograles kas chairperson iti Civil Service Commission (CSC).
Maibasar iti resignation letter ni Nograles, pinagyamananna ti impaay ni President Ferdinand Marcos Jr. nga oportunidad nga agserbi kadwana dagiti sipaspasnek nga agserbi iti publiko.
Sigun kenni Nograles, narigat para kenkuana ti panaglusulosna iti puesto.
Nupay kasta, impeksana ti pribilehio ken dayaw iti panagserbina kadagiti tattao iti pagilian kas mandato ti Konstitusion a mangitandudo iti morale, efficiency, integrity, responsiveness, progressiveness ken dadduma pay.
Kabayatanna, panggep ni Nograles nga agsubli sadiay Davao City.
