--Ads--
Maysa a lalaki idiay Midsayap, Cotabato ti nangsurpresa iti nobyana babaen iti panangipaayna ti naidumduma a regalo.
Imbes gamin a sabong ti iregalo ni Tonton Fontilon iti nobyana a ni Camille Viloan iti graduationna ket maysa a nasalun-at a kalding.
Sakbay a dimmar-ay ni Camille iti graduation ceremony ket impan ti nobyona iti balayda ti regalona a kalding tapno adda ti taraknenna.
Imbinglay ni Camille iti social media a sipud grade 11 daytoy ket dakkel ti suporta nga ipapaay ti nobyona kenkuana ngem saanna nga impagarup a maregaloan daytoy ti kalding.
Ni Camille ket nagturpos kas Cumlaude iti kurso a Bachelor in Secondary Education Major in Social Studies.
Iti agdama ket plano ni Camille nga agreview para iti board examination.
