--Ads--
Imbasura da Senador Francis “Kiko” Pangilinan ken ti asawana a ni aktres Sharon Cuneta ti reklamoda a cyberlibel kontra iti entertainment columnist a ni Cristy Fermin kalpasan a nakadanonda iti out-of-court settlement, sigun iti opisina ti senador.
Iti maysa nga statement, kinuna ti opisina ni Pangilinan a nakagteng dagiti dua a partido iti “settlement” babaen ti “mediation procedure,” a pinasingkedan met ti Makati Regional Trial Court Branch 148.
Inawat met ni Pangilinan ti pannakadismisar ti kaso, ken kinunana a maragsakan daytoy ken kayatna nga ag-move forward manipod iti kaso
Maipalagip nga idi May 2024, nangipila ti agassawa ti reklamo a cyberliber kontra kenni Fermin gapu iti kinuna ti columnist iti maysa nga online show daytoy.
