Napagsaritaan dagiti dadaulo iti Group of Seven (G7) ti maysa a singasing a mangipaay iti access iti advanced artificial intelligence (AI) models iti sumagmamano a kompania iti Amerika, karaman ti Anthropic, iti napili a “trusted partners,” sigun iti tallo a dimplomatic source.
Panggep iti inisiatiba a makasapul iti wagas tapno maibinglay ti advanced AI technology kadagiti kaalyado a pagilian iti tengnga iti agdama a restriksion iti panagaramat iti daytoy dagiti non-American user, gapu kadagiti pakaseknan iti seguridad.
Sigun kadagiti source, napagsaritaan ti ideya iti nagbaetan kadagiti pannakabagi iti Group of Seven (G7) ken ni United States Commerce Secretary Howard Lutnick iti sidelines iti summit dinner iti Evian-les-Bains, France.
Iti sidong iti singasing, ti “trusted partners” ket mabalin a bukbuklen dagiti pagilian wenno kompania, ken mabalin nga aramaten ti AI models para iti panangpapigsa iti cybersecurity kontra kadagiti pangta manipod kadagiti pagilian a kas iti China.
Iti agdama, agtultuloy a mapagsasaritaan ti detalye iti posible a katulagan, bayat a manamnama a mapagsaritaan dagiti AI executives manipod iti Anthropic, OpenAI, ken Google ti regulasion ken imprastruktura iti AI iti sabali a panagtaripnong iti Group of Seven (G7).
Ti Group of Seven (G7) ket maysa nga informal intergovernmental political ken economic forum a bukbuklen iti Canada, France, Germany, Italy, Japan, ti United Kingdom, ken ti United States, karaman ti European Union kas maysa a non-enumerated member.
