Impakaamo ti waste and pollution watchdog group nga EcoWaste Coalition a dadduma kadagiti simbaan a nagturungan dagiti deboto bayat ti Holy Week ket “litter-free” wenno awanan ti basura.
Iti panagmonitor ti EcoWaste, kinunana nga awan ti nagkaiwara a basura iti dadduma a simbaan.
Pinagyamanan met ti nasao a grupo ti lokal a gobierno ken dagiti dadaulo ti simbaan gapu iti panangmintinirda ti kinadalus.
Dinakamat ti grupo ti kasapulan nga epektibo a wagas tapno “makontrol, no saan a mapukaw,” ti panagibelleng iti basura bayat ti “pilgrimage.”
Impakaamo ti nasao a grupo nga adda met dagiti sumagmamano a discarded religious literature ken dadduma a basura iti entrance ti simbaan, bayat a sumagmamano kadagiti deboto ti nangibati kadagiti “plastic sheets,” kahon, “plastic bottles,” taraon, ken “food containers” bayat ti Alay Lakad.
