Nangipila iti kaso dagiti daduma a call center workers idiay Cebu gapu iti maatap a labor rights ken occupational safety violations dagiti daduma a business process outsourcing (BPO) companies partikular ti “business as usual approach” dagitoy iti baet ti dimmalapos 6.9-magnitude a gingined.
Sigun iti BPO Industry Employees Network (BIEN)-Cebu, nakaawat daytoy iti saan a bumaba iti 100 a reklamo manipod kadagiti agents nu sadino,maysa kadagiti agparparang a pakaseknanda ti panakapwersada nga agreport iti trabaho iti baet ti napasamak a didigra.
Malaksid iti dayta, rumrumwar a maipapaayan dagitoy iti notices-to-explain,administrative sanctions, panakapukaw iti attendance incentives ken benefit, ken daduma pay a retaliatory actions nu saanda nga agreport iti trabaho.
Gapu iti dayta, makikaykaysa ti BIEN-Cebu iti ipukpukkaw dagiti Cebu BPO workers kontra kadagiti kompanya ken dagiti polisiya dagitoy a narisgu ken makaipapaay iti stress kadagiti mangmangged.
Kabayatanna, kinunana met ni Department of Labor and Employment (DOLE) Secretary Bienvenido Laguesma nga im-imbestigaranen ti DOLE-Regional Office 7 ti nasao nga insidente para iti panakaipaay iti aksyon kadagiti maatap nga aglablabsing a BPO Companies.
