Nangipaulog ti warrant of arrest dagiti “judge” ti International Criminal Court kontra kenni Israeli Prime Minister Benjamin Netanyahu ken ti sigud a defense chief, kasta metten ti dadaulo ti Hamas a ni Ibrahim Al-Masri gapu kadagiti maipagarup a krimen iti gubat ken krimen kontra kadagiti tattao.
Ti tignay ket naisayangkat kalpasan nga inwaragawag ni International Criminal Court prosecutor Karim Khan idi Mayo 20 nga agkidkiddaw ti warrant of arrest gapu kadagiti maipagarup a krimen iti gubat mainaig iti Octubre a siete a panagatake ti Hamas kontra iti Israel ken ti sungbat ti militar ti Israel idiay Gaza.
Inlawlawag ti International Criminal Court a kasapulan ti panangawat ti Israel iti hurisdiksion ti korte.
Nupay kasta, inlaksid ti Israel ti hurisdiksion ti korte ken pinaglibakanna dagiti krimen iti gubat idiay Gaza.
Inaklon met ti Israel a pinatayda ni Al-Masri wenno pagaamo kas Mohammed Deif, ngem saan nga kinumpirmar wenno inlibak daytoy ti Hamas.
